RULEA KUTOKA KIJIJI CHA MTILI "A" IRINGA MPAKA BONGO NI MUUJIZA KWAKE

Jina langu la passport ni Rulea Sanga, niliyezaliwa Makete miaka ya iliyopita, na baada ya hapo mama yangu amabye ni marehemu kwa sasa, alihamia katika kijiji cha Mtili "A" ambako mimi na mama yangu tukaweka makazi hapo. Nimesoma katika shule ya Msingi mtili "A" na kumaliza darasa la saba hapo hapo kijijini.

Namshukuru Mungu baada ya kumaliza nikajiunga na sekondari mji fulani na baadae kuhamishiwa Njombe Sekondari na hapo ndipo nilimaliza kidato cha nne...

Mungu hakutaka niishie hapo ndipo nilipojiunga na kidato cha sita shule ya sekondari Jitegemee jijini Dar es Salaam....kitabu kilikuwa tough kidogo lakini Mungu alinipigania..

Yehova akazidi kufungua milango yangu nikasoma kompyuta IIT jijini Dar es Salla na kubeba International Advance Diploma in Computer Studies..Siku hiyo ilikuwa furaha kwangu...

Mungu akanitoa utandu wa giza machoni pangu na kunipeleka katika Chuo Kikuu cha Usimamizi wa  Fedha IFM jijini Dar es Salaam ambapo niliinuka na gamba la mambo ya Hifadhi ya Jamii (Social Protection)...Mungu wangu nakupenda!!!

Nikaingia mitaani....hapa kuna mambo mengi nilipitia katika maisha...sipendi nikuchoshe...

Lakini leo hii Mungu akanipa kibali cha ajabu sana. Kwako muujiza huu unaweza kuonekana wa kawaida ila kwangu ni mkubwa sana, nikilinganisha na nilikotoka na nilipo ni kwa neema ya Mungu. Nikiwa katika maisha ya kujaa funza na taa ni kibatali, moshi wa jikoni kwangu ilkuwa kawaida sana....ni mengi rafiki yangu.

Nakumbuka mwezi mmoja hivi umepita niliambiwa nitegeneze blogu wa COME AND SEE PROMOTER, na baada ya kumaliza mimi nikawa ni mtu kuwaelekeza wageni rasmi waliokuja kuzindua hiyo blogu...Mimi kwangu mimi ni maajabu, kwani wapo wangapi wametoka kijijini kama mimi na hawajafanya mambo kama haya na wako mjini hapa. Ninachoamini katika maisha ni kuwa karibu sana na Mungu, naye atakuinua kutoka chini na kwenda juu. Na usiwe na haraka ya maisha, wewe kaa miguuni pa Mungu Baba na ukijibidiisha kikazi...Mungu akubariki.

Kutoka Kushoto Jerry Muro,Rulea Sanga(Blog Designer),Mgeni Rasmi,Afande Eva,Mchungaji,Emmanuel Na Mc Chavala

" Tamasha Hili Lilikuwa Na Malengo Makuu Matatu,1. Kutambulisha Na Kuuza Maono Ya Come And See Hapa Tanzania 2. Kuzindua Blog Yake Na 3. Kukusanya Pesa Za Kuandalia Tamasha Maalum La Walemavu Wenye Vipaji Litakaloitwa "Wapende Walemavu" Na Kwa Kwa Hakika Mambo Hayo Yalifanikiwa!!"              

Mc Chavala kushoto

Hapa unamuona mgeni rasmi pamoja na wageni maalum wakifuatilia yanayoendelea kwa makini kabisa!!!