HILO NALO LINAPITA-Rulea Sanga

Mungu yuko upande wako.

Na hilo linapita mama yangu,

Hakuna jambo linalodumu hapa chini ya jua.

Hata kama jaribu lako liwe kubwa, ufananishe na Mlima Kilimamjaro.

Ila ninajua ipo siku moja ninakuambia, mbele ya macho yako hilo jaribu litatoweka.

 
Namshukuru sana Mungu kwa yale anafanya juu ya maisha yangu. Umekuwa mwema sana BABA..nilikupenda, ninakupenda na milele yote. Asante hata kwa mahali hapa uliponipa pa kuishi.
 

Jipe moyo katika jaribu unalopitia, maana kila jaribu lina mlango wa kutokea.

Mbona wewe moyoni mwako unaumia, machozi machoni pako yanatairirika, kwa jaribu unalopitia, unadhani Mungu kakuacha. Mungu hajakuacha hilo jaribu ni la muda tu.

Mungu ndiye aliyesema, hata upitapo katika maji mengi hayatakugharikisha.

Mungu hawezi kukuacha na hilo jaribu likupoteze.

Nina kwa neema ya mkombozi, ni neema sikustahili. Nimefanyika kuwa mwana na nimehesabiwa haki.

 Uwe mtu wa imani mpendwa wangu. Karibu nyumbani kwa Yesu utaona mkono wake.

Jaribu unalopitia lisikutoe kwenye imani, kwani Mungu hajashindwa.

Yawezekana ni magonjwa yanakusumbua. Umezunguka hospitali zote na hujapona.

Yawezekana ni ndoa yako inakusumbua, unatamani hata kuachana inashindikana.

Yawezekana ni maisha mipango haiendi, kila unalolipanga kwako linashindikana.

Yawezekana ni watoto wanakusumbua, hawataki shule na hawakusikii..wameshindikana.

 Yawezekana una elimu nzuri lakini kazi huna, umezunguka kutafuta kazi sasa umechoka ma viatu vimeisha

Umekata tama huna la kufanya. Usipoteze tumaini lako, Mungu anaweza.

Mungu huyu anayembariki yule, ndiye atakayekubariki na wewe. Mungu yule anayemponya yule ndiye atakayekuponya. Mungu yle anamsaidia mtu kuwa na nyumba yake ya kuishi ndiye yule atakae kupa nyumba ya kushi. Mungu yule anayempa yule mke au mume, ndye atakayekupa mume au mke. Mungu yule anafanya connection na watu waliobarikiwa na kuwa na mali nyingi, ndiye atakaye kuunganisha na watu wakubwa. Mungu akuti nguvu mpendwa wangu unayepitia katika magumu na umekata tamaa.

FANYA YALE MUNGU ANATAKA UFANYE, UTAONA NEEMA YA MUNGU